طرائف المتزوجين

[khalidshahen]

السلام عليكم و رحمة الله و بركاته

تمر على الإنسان لحظات من الخجل و التي تؤدي إلى مقالب قد لا تكون مرغوبة و لكنها مسلية ، أنقل لكم هذه المواقف الطريف للمتزوجين إذ تشكل هذه الفترة بيئة خصبة للخجل و المقالب التي تحصل بين المتزوجين ، أترككم مع الموضوع الذي إنتقيت لكم قصصه ...

يانهارأسود.....
بعد الملكة كنت مرتبكة جد ا وعندنا أهل زوجي على العشاء
بعد ما دخلوا فاجأتني أخته بأ نه ينتظرني عند الباب في
السيارة لنخرج سويا,لم أكن مستعد ة حقيقة لانفسيا ولا
فستانيا ,,,فقد كنت ألبس فستانا كبيرا.....ذهبت إلى
غرفتي بسرعة وغيرت ملابسي ولبست عباءتي وخرجت.
..ركبت السيارة الوحيدة الواقفة أمام بيتنا ولم يكن
موجودا حينها.....وانتظرت عشر دقائق...ولم يأت...قلت لايكون ينتظرني
عند الباب الخلفي لبيتنا؟؟؟وفعلا خرجت إلى الباب الخلفي فإذا به
جالس في السيارة....يانها ر أسود يعني كنت راكبة سيارة شخص
مجهول !!!ولمدة عشر دقائق !


فيلم هندي
أما أنا بعد ما لبست ثوب الزفاف واستعد الناس للزفة اكتشفنا
أن طقم الذهب نسيناه في البيت....وراحت أمي بسرعة للبيت حتى
تحضره وتأخرت جدا...وكنت قد بكيت عدة مرات في ذلك اليوم من شدة
التوتر وجاء هذا الموقف وكمل الناقص...وبعدين عملت مناحة على الكوشة
لأني سأسكن في مدينة بعيدة وكان يوم زواجي فيلم هندي ..كل الجمهور
بكو معي حتى اللي ما يعرفني...


شيبس بنكهة البصل

لما جاء زوجي ليراني في يوم الخطبة..طلب أبي
مني أن أدخل عندة فرفضت بشدة ..لقد كنت مستحية وخايفة...فأصر
فلأضطررت أعلل سبب رفضي قلت:<أنا توي ماكلة شيبس بنكهة البصل>....قال أبي
بغضب:<ليش وش ناوية تسوين>...ومت من الخجل

(من أطرف القصص)
واحد طلب يد أخت صديقه ولما جاء يبغي يشوفها قاله صديقه
خلاص أنا بقولها تجيبلي كاس ماي وأنت تعال غرفتي انخش
وشوفها ( لان البنت خجولة كلش) المهم جاء الموعد وجاء الرجال
ونادى أخته.. وجات الأخت وهي تفحط... ( ماسكة الصينية على شكل
دركسون ،وهي ماخذته سياره وتفحط) ،المهم يوم تزوجها
قال لها القصة وماتت من القهر وكانت
راح تذبح أخوها .


وحده جا خطيبها يشوفها وطبعا هي بتموت من الحيا . المهم دخلت
عليه وأبوها كان موجود إلا شويه ودخل خالها وبعدين عمها وبعد
شوي يدخلون إخوانها كلهم وصار المجلس مليان ناس( وطبعا كلهم
عيونهم عليها) ومن يوم شافتهم كان بيغمى عليها . فكرت تطلع.
راحت للباب ولقته مقفل ( مقفلته أمها علشان ما تطلع)
طبعا البنت طاح وجهها خصوصا لما شافت الموجودين في
المجلس وهم يحاولون يكتمون الضحك ( والله فشيله) المهم
ظلت واقفه شوي لما استوعبت انه في باب ثاني راحت تركض
له تبي تطلع وبعد كم خطوه إلا هيلا هوب وتطيح طبعا هذي
اللحظة البنت كان بيغمى عليها من الحيا وبس وصلت للباب
وأخيرا طلعت وهي تسمع ضحكات الشباب في المجلس عليها



وحده جات بتخطب صديقتها لأخوها . عزمتها في بيتهم وقال
لاخوها طل عليها من النافذة وشفها إذا عجبتك نخطبها لك . وافق
الولد ولما جات البنت قدمت الأخت لصديقتها شكولاته . والبنت معيا
تاخذ وذيك تلزم عليها. والبنت مصره ماتاخذ . ولما طلعت علشان
تسأل أخوها عن رايها في البنت . الأخ شاف البنت وهي تاخذ من
الشكولاته وتخش في شنطتها ولما سألته ،أخته عن رايه قال
موافق على طول . وتم الزواج ،وفي ليلة العرس يسأل
الزوج البنت : وين الشكولاته اللي خذيتيها من بيتنا؟؟ ( ما يرضى
أحد ياخذ من بيتهم شي بدون ما يستأذن .. حمش)



هذا واحد أخوياه ماينلعب معهم .. يوم عرسه مروه ربعه وقالوا يالله
مشينا الحلاق نسمكر وجهك .. يوم ودوه للحلاق ( وكانوا متفقين
مع الحلاق من قبل ) وينقز واحد منهم ويتل راسه ويقول للحلاق يالله
أدهر وأبو الشباب ما عاقت معه وجز راس المعرس .. مووووووووووس ..
المهم أنهم حلقوه موس والمعرس
قفلت معه ولا قدر يسوي شي .. يوم جا العرس طق الطاقية والغترة ومشى
كل شي سليم .. عاد يوم جا في البيت لازم يشيل الغترة موب على طول بتبتل
كذا .. يوم فصخ الغتره وطلعت الصلعة البنت قالت ذا مهبول ولا فيه بلا .. ولا أحد
يحلق مووس يوم زواجه .. اللي زاد الطين بله أن المعرس شاف البنت خايفه
وفاهمه غلط قال خلني بطينها وقعد يخوفها ويقرب راسه يمها كنه بينطحها
ويسوي حركات كنه مهبول .. يوم طلعت الشمس قالت البنت : ودني لأهلي .. ( قالت
في نفسها أبوي ذابني على واحدن مامنه رجا !!) عاد المعرس دق على أبوها وقال
له تعال يوم جا فهمه أن أخوياه سوو كذا وكذا وأنه شافها خايفه قال خلني
أستهبل عليها .. والأبو فهم البنت وعدى هاك اليوم على
خير ..



ثنين توهم متزوجين .. أول ما رجعوا لبيتهم إلا زوجها مجهز لهم عشاء ..
أختنا في الله الدنيا مسودّة قدامها من الجوع .. ما ذاقت الأكل من أصبحت
من زود ما هي مشتطة .. ورجلها يناديها يبيها تاكل .. البنت مستحية وما
تبي تاكل قدام رجلها .. بس انها جوعاااااانة .. قالت له لا تسلم أنا شبعانة ..
يقول لها يا بنت الحلال تعالي كلي لس لقمة ولا لقمتين .. والبنت تقول أبدا والله
مير ينعم به ماله محل .. ويحاول فيها من هنا من هناك وهي ميبسة دمجتها ..
مع انها كانت تتعبر مع كل لقمة يبلعها وتقول في نفسها اخلص عاد يبو الشباب
علينا تراك مصختها .. خلص زوجها من العشا وقال لها يلا أبا اروح أنام تراي وراي
قومة بدري بكره ( الضيفة عند أهله ) .. قالت لها خلاص انت رح نام أنا بضف
الأكل أول .. الرجل ابتسم ابتسامة صفرا وقال على راحتك .. ما صدقت المرة
رجلها يدخل الحجرة إلا طيرااااااااان على الأكل .. لقمة في فمها ولقمة في يدها
وعينها على الثالثة .. وهي في قمة الانسجام ما درت إلا ذا الي يمد لها كاس
الموية يقول لها سمي خليه ينزل الاكل في بطنك وهي الي تتروع


هذا ما إنتقيته لكم آملا أن تكونوا إستمتعتم بالموضوع كما آمل ألا تحصل لكم هذه المقالب ....فخذوا حذركم أيها العزاب ،،،

ولنا لقاء إن شاء الله

[روعة التذكار]

هههههههههههههههههههههههههههههه


وناسه ههههههههههههههههه


الله لا يحطني في ذا الموقفههههههههههههههههه




خصوصا بو صلعه ههههههههههههههههههههههههههههههههههههههههه



ومشكور الله يعطيك 750 الف عافيه

[قطـرة نــدى]

ههههههههههههههههه

مواقف مضحكة ربنا ما يحط حد تانى فيها

يعطيك العافية اخى خالد

[khalidshahen]

روعة : لابد و أن تسقط الفتيات في إختبار الرهبة لليلة العمر و هذا مالا شك فيه ، و بالتوفيق إن شاء الله

قطرة : حياك الله أختي الكريمة و كما أسلفت لابد لكن من إختبار و كما قيل في الامتحان يكرم المرء أو يهان و إن شاء الله لا توجد هيانة و لكن ضحك و مقالب ، فأعددن العدة لما ينتظركن